Теміртауда көп қабатты үйде газ жарылды
Бүгін Теміртауда Металлургов даңғылындағы бес қабатты тұрғын үйде газ жарылды деп хабарлады turkystan.kz.
Қарағанды облыстық төтенше жағдайлар департаментінің мәліметінше, үйде газ-ауа қоспасы жарылып, салдарынан қабаттар арасы опырылып түскен. Үш пәтер бүлінген.
«53 адам эвакуацияланды. Оның жетеуі – бала. Төтенше оқиғадан зардап шеккен 4 адам ауруханаға жеткізілген. Қазір Қарағанды облысы Төтенше жағдайлар департаментінің 22 қызметкері мен жеті техникасы жұмыс істеп жатыр», – деп хабарлады Қарағанды облысы Төтенше жағдайлар департаментінің баспасөз қызметі.