Алматы тұрғындары «Тағзым» мемориалына гүл шоқтарын қойды
Қала тұрғындары қаңтар оқиғасы кезінде қаза тапқандарды еске алып, «Тағзым» мемориалының стелласына гүл шоқтарын қойды.
Рәсімге қала басшысы, қоғам қайраткерлері және БАҚ өкілдері қатысты.
Дін қызметкерлері марқұмдардың рухына құран бағыштап, бейбітшілік пен келісімнің маңызы туралы уағыз айтты. Жиналғандарға мешіттердегі асқа бару үшін көлік дайындалды. Бүгін қала мешіттерінде құрбандық шалынып жатыр.
Бұған дейін Алматы орталық мешітінде қала әкімі Ерболат Досаев, қоғам қайраткерлері мен шығармашылық зиялы қауым өкілдері қаңтар оқиғасы кезінде қаза тапқандарды еске алып, дұға оқып, құрбандық шалу рәсімін жасады.