«Таза ауыл» акциясы жалғасуда
Өзіміз өмір сүріп, күнделікті ауасын жұтып отырған қоршаған ортамыздың тазалығын сақтаудың маңызы зор.Осыған орай ауданымызда көктемнен күз айларын қоса ұдайы сенбілік ұйымдастыру дәстүрге айналған. «Таза ауыл» акциясы аясында елді мекендерді қоқыстан арылту, құрылыс жұмыстары жүргізіліп кеткен орындарды тегістеп, қалдықтарын жиыстыру, көшелерді тазалау, әктеу сөктеу жұмыстары ұдайы жүргізілуде. Аудандық сенбілікке ауыл тұрғындарымен бірге барлық мекеме қызметкерлері мен ұжымдары ерікті түрде белсене қатысып, «бір жағадан бас, бір жеңнен қол шығарып», аудан тазалығын сақтауға өз үлестерін қосуда. Ауылымыз бен ауламызды таза ұстайық ағайын!