Жапония үкіметі отставкаға кетті

Жапония үкіметі толық құрамда отставкаға кетті, — деп хабарлайды Tengrinews.kz тілшісі Kyodo News+ басылымына сілтеме жасап.

Ведомство мәліметінше, Жапонияда үкіметтегі ауыс-түйіс кезінде отставкаға кету туралы арыз беру дәстүрге айналған. Отставкаға кеткеніне қарамастан, үкімет мүшелері жаңа министрлер кабинеті құрылғанға дейін өз міндетін атқара береді. Министрлер кабинетінің жаңа құрамы жақын арада жарияланады.

Бұған дейін Жапония премьер-министрі Фумио Кисида ел үкіметі мен жетекші партияда кадрлық өзгерістер дайындалып жатқанын айтқан болатын.