Карантин талаптары күшейтілуде

Аудан халқы арасында коронавирустық инфекцияның таралуын болдырмау мақсатында, Мойынқұм ауданы әкімдігі жанынан құрылған мониторингтік топ мүшелері күндізгі және түнгі рейдттерді Жамбыл облысының Бас мемлекеттік санитариялық дәрігерінің «Жамбыл облысында қатаң карантиндік шектеу шараларын ұзарту туралы» 2020 жылғы #30 Қаулысына сәйкес зерделеу жұмыстарын жүргізуде. 2020 жылдың 1 тамызы түні Мойынқұм ауылының сауда орындарын аралау және зерделеу кезінде түн мезгілінде жұмыс істеп тұрған 1 азық түлік сататын дүкен мен 1 көлік жуу орны режим талаптарын бұзып жұмыс істеп тұрғанын анықтаған топ мүшелері екі мекеме иелеріне сәйкесінше акт толтырды. Алдағы уақытта бұл рейд жұмыстары жалғаса бермек.