Көтеріңкі көңіл-күй мен шаттыққа толы қойылым

“Ертегілер әлемінде” ойын-сауық қойылымы көрерменге жол тартып, аниматорлар сахна алаңына жиналған балалармен бірге би билеп, мейірім үлгісін көрсете білді. Айналаны думанға бөлеп, жүректерге қуаныш сыйлаған әр түрлі кейіптегі ертегі кейіпкерлері сазды бағдарламаның көркін аша түсті. Ғажайыптар еліндегідей бейнелерге тамсанған бүлдіршіндер мақсатты шараның бар маңызы өздеріне арналғанын ұғынғандай болды. Осындай көңіл-күйге себепші болып, сахна алаңында өнер көрсеткен аудандық мәдениет үйінің “Шу” халық театрының ұжымы шеберліктерін ізгілікпен ұштастыру арқылы шексіз мейірбандық танытты.