Биліктен қолдау айрықша

Қазақ елі — бір шаңырақ астында бірнеше ұлттың басын біріктірген көпұлтты мемлекетпіз. Қашанда достық пен ынтымақ туын жоғары ұстаған берекелі жұртпыз деп мақтанышпен айта аламыз.

Қазіргі таңдағы төтенше жағдайда да бір кісідей жұмылып, бауырмашылдық танытып, мемлекет тарапынан қиын-қыстау кезеңде көмек қолын созған биліктің халыққа деген ықыласын айрықша байқауға болады.

Елімізде орын алып жатқан жағдай баршамыздың еңсемізді түсіргені белгілі. Елдегі қозғалыс уақытша тоқтады. Десе де, үйден шықпасақ та қаражат жағынан қиналмадық. Себебі Мемлекет басшысы Қасым-Жомарт Тоқаевтың басшылығымен қаржылай және азық-түліктей қолдаулар беріліп жатыр.

Таратылған әлеуметтік қораптың іші ең қажетті азыққа толы. Тіпті 42500 теңгені қайтаруы қажет азаматтарға да түсіністікпен қарап, кешірім берді.

Халыққа көрсетіліп жатқан осындай көмек үшін ел билігіне үлкен алғыс білдіреміз.

Қали Қораласбаев,

суретші-мүсінші.