Ұрпақ алдында жауаптымыз

Облыс əкімі Б.Сапарбаевтың өңір тұрғындарына жолдаған Үндеуін оқып шығып, бала өміріне деген жауапкершілігіміз одан əрі арта түскендей. Облысымызда орын алып жатқан оқиғалар тізбегі ойлантарлықтай екен. Бесіктен белі шықпаған жасөспірім балғындардың өмірі тек қана бақытқа лайық деп білемін. Мемлекет болып, халық болып кəмелеттік жасқа толмаған жастарымыздың қауіпсіздігін жіті қадағалап отыруымыз қажет. Осы тараптан ата-ана, ұстаздар қауымы, құқық қорғау органдары бір кісідей атсалысып, мезгілсіз жайттарды болдырмауды əдетке айналдырайық. Отан отбасынан басталады. Отбасының бөлшегі, шаттығы балалар тағдырына көз жұма қарамайық. Ұрпағымыздың қамы мен келешегінің қауіпсіздігін естен шығармайық дегім келеді

Райхан Досымбек,
ардагер ұстаз.