Айтыскерлер арасындағы аладоп аламаны мәресіне жетті
Айтыс ақындары арасындағы кіші футболдан халықаралық турнир өз мәресіне жетті.
Жарысқа Қырғызстан мемлекетінің айтыс ақындары мен еліміздің түкпір-түкпірнен жиылған жыр жампоздарынан құралған жалпы 7 команда қатысты.
Жарыс қорытындысы бойынша үшінші орынды Қызылорда құрамасы иеленді. Екінші орынға Түркістан командасы қол жеткізсе, бірінші орынды Қарағанды облысының ақындары жеңіп алды.
Олардың қатарында белгілі айтыс жұлдыздары – Дидар Қамиев, Мұхтар Ниязов, Рүстем Қайыртаев секілді бірқатар ақындар бар.
Айта кету керек, жерлестеріміз бұл жарыста жүлде тұғырынан көрінбеді.