Жоспар – жүйелі, мақсат – айқын
«Жол активтері ұлттық сапа орталығы» тас жолдардың сапасын бақылаумен қатар, жалпы пайдаланымдағы автомобиль жолдарын орташа жөндеуге ведомствалық сараптама жүргізуді де іске асырады. Айталық, жыл басынан 23 келісім-шарт жасалып, 7 жобаға оң нәтиже берілген.
Бұдан бөлек, мамандар жолдардың көліктік және пайдалану жағдайын анықтау шаралары жүргізеді. Дәлірек айтқанда, диагностиканы жүзеге асыру шеңберінде жолдардың көліктік-пайдалану жағдайы туралы мәліметтер базасын қалыптастыру арқылы жаңарту сатысында пайдалануға жарамдылық қасиеттерін анықтау үшін жолға аспаптық сараптама жұмыстары жүргізіледі. Ал, олардың сипаттамалары талаптарға сәйкес келетіндігін анықтау үшін жолдарды үнемі тексеру қажет. Биыл осы бағдарламаны іске асыру мақсатында республикалық жолдарда 637 шакырымына диагностика жүргізу жоспарлануда..