Жазасын өтеушілер арасында викториналық байқау өтті

Қазіргі таңда мемлекет тарапынан қоғамдағы діни ахуалды тұрақтандыру мақсатында нақты шаралар қолға алынып, жаңашыл бастамалар жүзеге асуда. Себебі, дін – мемлекеттің негізін құраушы ең маңызды факторлардың бірі болғандықтан, ішкі тұрақтылықтың да кепілі екені сөзсіз.

Осыған орай, Жамбыл облысы бойынша ҚАЖ департаментіне бағынысты ЖД-158/2 мекемесінде арнайы мамандар бұл бағытта жүйелі жұмыстар атқарып, жазалы жандарға тиісті бағыт-бағдар беріп отырады.

Жуырда мекеменің тәрбие және әлеуметтік психологиялық жұмысы бөлімінің теологиялық оңалту жұмысын ұйымдастыру тобы инспекторларының ұйымдастыруымен «Сотталғандар арасында ислам тарихы, Құран оқу және өзіміздің салт-дәстүрлер» тақырыбында жазасын өтеушілердің білімін тексеру мақсатында векториналық конкурс ұйымдастырылды. Шараға Тараз қалалық «Фирдаус» мешітінің бас имамы Алмас Кенжемолдаев пен «Ақниет» оңалту орталығының маманы Зұлқарнайын Зүнінқожа арнайы қатысты. Сондай-ақ, аталған викторинаға ҚАЖ департаменті САТжӘПЖ бөлімінің бас маманы, әділет подполковнигі Айгүл Танашева мен ЖД-158/2 мекемесінің САТжӘПЖБ ТОЖҰ тобының инспекторы, әділет аға лейтенанты Жарас Жақсыбекұлы бақылау жасады.

Сұрақ-жауап барысында сотталғандар «Сотталғандар арасында ислам тарихы, Құран оқу және өзіміздің салт-дәстүрлер» тақырыбында білімдерін тереңдетіп, білмейтіндерін ойға тоқыды. Бас бостандығынан айырылған сотталғандар викториналық сұрақтарға барынша жедел жауап берді. Іс-шараны өткізудің бұл түрі сотталғандардың ақпаратты алу мен рәсімдеудің әртүрлі нысандарын игеруге ықпал етті.

Жиын соңында жазасын өтеушілер өздерін толғандырып жүрген мәселелер бойынша сұрақтарын қойып, оған тұщымды жауаптарын алды.