Теміржолда қауіпсіздік шараларын сақтау маңызды

Тараз станциясындағы Желілік полиция бөлімінің бастығы полиция полковнигі О.Родякин, Тараз станциясындағы Желілік полиция бөлімі Әкімшілік полиция бөлімшесінің бастығы полиция майоры М.Манатов және Тараз станциясындағы Желілік полиция бөлімі Әкімшілік полиция бөлімшесінің аға инспекторы полиция майоры Л.Копбаевамен «Қазақстан Республикасының теміржолында қауіпсіздік деңгейін және мүліктің сақталуын арттыру бойынша 2022-2024 жылдарға арналған «Жол картасының» тармақтарының орындалу барысын талқылау үшін, «ҚТЖ ҰК» АҚ Жамбыл жол дистанциясының басшысы А.Абзелбековтың және оларға бағынысты теміржол мекеме басшыларының қатысуымен дөңгелек үстөл өткізілді.
Дөңгелек үстелде Қазақстан Республикасы ІІМ мен Қазақстан Республикасының Индустрия және инфрақұрылымдық даму министрлігі арасында бекітілген «ҚР темір жолында қауіпсіздік деңгейін және мүліктің сақталуын арттыру бойынша 2022-2024 жылдарға арналған Жол картасын» орындау кезінде переездер қоршалмаған және қай уақыттан бері қоршалмай тұрғаны және теміржолдар арқылы адамдардың қауіпсіз өтуі, адамдардың, малдардың кіруіне жол бермеу мақсатында, тыйым салатын тану белгілерін жаңарту, белгіленбеген орындарда теміржолдарға бөгде адамдардың, малдардың шығуын болдырмайтын қоршаулар орнату мен жөнделуі бойынша жұмыстардың қандай деңгейде атқарылғаны, шешімін таппай жатқан өзекті мәселелер, оларды шешу жолдары және алдағы уақыттарда атқарылатын нақты іс-шаралардың сұрақтары қарастырылды.

Тараз ст.ЖПб