Тату тірліктің көрінісі

Бүгін «Болашаққа бағдар: рухани жаңғыру» бағдарламасының «Асарлатып үй салу» жобасы аясында Шу ауданы, Ескі Шу ауылдық округінің тұрғыны Қалиев Жамалбектің отбасына баспана салынуда. Қазіргі таңда үйдің ірге тасы толық қаланды. Үй қабырғасын саман кірпіштен көтеру жоспарланған. Сондай-ақ үй қабырғасына 3000 дана саман кірпіш қажет.Осы қажеттілікті ауыл жастары бірігіп өз күштерімен 1500 дана кірпішті құйып, құрлыс басына жетізді. Қалиев әулеті қазан айында жаңа баспананың кілтін алады.