«Саналы ұрпақ» ерікті жастар клубы құрылды

Жамбыл облысы әкімдігінің жастар саясаты мәселелері басқармасының «Жастардың бойында сыбайлас жемқорлыққа қарсы сананы қалыптастыруға бағытталған іс-шаралар кешенін ұйымдастыру» әлеуметтік жобасы аясында «Үздіктер таңдауы» қоғамдық бірлестігімен жастар арасында парасаттылық және сыбайлас жемқорлыққа қарсы мәдениетті қалыптастыру мақсатында «Саналы ұрпақ» ерікті жастар клубы құрылды. Клубтың фронт офисі М.Х.Дулати атындағы Тараз өңірлік университетінің қабырғасынан ашылуы жастардың оқумен қоғамдық іс-шараларды қатар алып жүруіне оң әсерін тигізуде. Жастар жоба аясында түрлі іс-шараларға белсене араласып, жоғарғы оқу орны қабырғасында студент жастардың парасаттылық мәдениетін қалыптастыруына ықпал етіп келеді.