Теміржолшыларға жаңа Конституция жобасы түсіндірілді

Ата заңымызға енгізілген өзгерістерге байланысты қаламызда түсіндіру жұмыстары жүргізілуде. Осы мақсатта 8 жұмыс тобы құрылып, оның алғашқысына қала әкімі өзі жетекшілік етуде. Аталған жұмыс тобының құрамына қоғам белсенділері мен ағартушы мамандар енген.

Бүгін осы бағыттағы жұмыстар аясында Тараз қаласының әкімі «Қазақстан темір жолы» акционерлік қоғамының Жамбыл облыстық филиалының қызметкерлерімен кездесу өткізді. Кездесу барысында конституциялық реформаның мәні мен маңызы түсіндіріліп, еңбек ұжымының сауалдарына жауап берілді.