Тәртіп бұзып, жазасы қатаңдатылды
«Тәртіпке бағынған құл болмайды» деген батыр Бауыржан Момышұлы. Расында, белгіленген тәртіпті бұзу ешкімге абырой әперген емес. Ал түзеу мекемесінің ішкі тәртібін бұзу тіпті заң алдындағы жауапкершілікке алып келеді.
Жуырда Жамбыл облысы бойынша Қылмыстық-атқару жүйесі департаментіне қарасты түзеу мекемесінде осындай жағдай орын алды. Мекеменің ішкі тәртібіне бағынғысы келмеген 2 сотталған азамат жалпы ережелерді бұзып, өз іс-әрекеттеріне ерік берген. Аталған оқиғаның нәтижесінде жазасын өтеушілердің ісі сотқа жолданып, Тараз қалалық №2 сотының қаулысымен сотталғандар толық қауіпсіз мекемеге ауыстырылды.