Өз қызметін асыра пайдаланбау ескертілді
Бүгін облыс бойынша Қылмыстық-атқару жүйесі департаментіне бағынысты №25 және №58 түзеу мекемелерінде адам құқықтары жөнінде уәкіл Берікбол Байхожаев және облыс бойынша ұлттық алдын алу тетігінің өкілі Гусейнали Насировтың қатысуымен азаптауға қарсы іс-қимыл және ар-намыс пен қадір-қасиетті қорлау бойынша облыс прокуратурасымен бірлескен кеңес өтті.
Сапар барысында адам құқықтары жөнінде уәкіл Б.Байхожаев, облыстық прокуратура 5-ші басқармасының бастығы Ө.Арынтаев, облыс бойынша ұлттық алдын алу тетігінің өкілі Г.Насиров азаптауға қарсы конвенцияны сақтау туралы нұсқау берді. Сондай-ақ, ҚАЖ департаментінің орынбасары Қ.Жарылғапов барлық жеке құрамның назарына ҚАЖ комитеті төрағасының нұсқауын жеткізді. Соңында аталған тұлғалар сотталғандарды жеке қабылдап, мекемелерді аралап шықты.
