Қытай Ресейге көмек көрсете ме?
ҚХР Сыртқы істер министрлігінің ресми өкілі Чжао Лицзян Ресейдің Украинада арнайы операция өткізуіне байланысты әскери көмек сұрағаны туралы хабарламалар жалған екенін мәлімдеді, деп хабарлайды Bugin.kz порталы Reuters-ке сілтеме жасап.
«Америка тарапы таратқан тиісті хабарламалар жалған», — деді Қытай СІМ өкілі.
Сонымен қатар Лицзян Қытай қос тараптың бейбіт келіссөздері мен Украинадағы шиеленістің тоқтатылуын қолдайтынын атап өтті.
«Шиеленістің одан ары ушығуына емес, дипломатиялық жағынан реттеуге ықпал етуіміз керек», — деді ол.