Ақын Асановтар отбасы «NurOtan»-ға дауыс береді

Мәжіліс пен мәслихат депутаттарын сайлау алдындағы үгіт-насихат жұмыстарына «Nur Otan» партиясы Жамбыл облыстық филиалының сайлау алды қоғамдық штабы да қызу кірісті. Сайлауалды үгіт-насихат аясында партия мүшелері танымал ақын Қайырбек Асанов пен Күләш Ахметованың шаңырағында болды. Мұндағы мақсат — қос ақынды бас партияның бағыттарымен таныстырып, Асановтар отбасын алдағы сайлау науқанына белсенді атсалысуға да шақыру болды.
Кездесу барысында ҚР Парламенті Мәжлісінің депутаттығына үміткер Ғулом Умаров мемлекет өмірінде үлкен маңызға ие науқанға белсене қатысудың рөлі туралы сөз қозғады.
– Болашақта не болады, мемлекет қалай дамиды? «Nur Otan» партиясы осы мәселелердің бәрін қамтып, мемлекеттік органдармен бірлесіп жоспар жасады. Қазіргі мақсат —әрбір қазақстандық азаматтық борышына атүсті қарамай, өз таңдауын жасауға шақыру, – деді Гулам Мұхтарұлы.
Өз кезегінде «Қазақ поэзиясының ақ гүлі» атанған Күләш Ахметова кандидаттарға сәттілік тілеп, ізгі ниет білдіріп, ілтипат көрсетті. Ал шаңырақтың отағасы Қайырбек Асанов сайлау науқанында отбасымен бірге өз таңдауларын жасайтындарын айтты.
– Шақыруларыңызды қабыл аламыз. Қазіргі уақытта «Nur Otan» тәуелсіз қазақ мемлекетіндегі ең ықпалды, әр ісі пәрменді, халықтың мұңын мұңдап, жоғын жоқтайтын, елмен етене жақын саяси партияның бірі болғандықтан, біз – Асановтар отбасы өзіміздің партияға дауыс беруге дайынбыз, – деді Қайырбек Асанов.
Кездесу барысында кандидаттар ақындар шаңырағындағы арнайы жазу бөлмелерін көріп, жаңа шығармалырмен танысты. Қаламгерлер елдің жайын мінберде көтеруге ат салыспақ болып жүрген кандидаттарға өз ақылдарын айтып баталарын берді.

«Nur Otan» партиясы Жамбыл облысының Сайлау қорының қаражатынан төленді