Жамбылдықтар жемқорлыққа қарсы
«Жаңа-ру» жастар коалициясы заңды тұлғалар бірлестігінің ұйымдастыруымен Жуалы ауданы, Бауыржан Момышұлы ауылының әкімшілігінде, білім беру мекемелерінде және ауыл көшелерінде, барлық нысаналы топтар арасында сыбайлас жемқорлықтың алдын алудың өзекті мәселелері бойынша, сыбайлас жемқорлыққа қарсы мәдениетті қалыптастыру мақсатында «Жемқорлық ол біз үшін емес!» атты тақырыпта түсіндірме жұмыстары өткізілді.
Шараға сыбайлас жемқорлыққа қарсы департаментінің арнайы мониторинг мүшесі Қ.Меклисов және «Жуалы адалдық алаңы» жобалық кеңсесінің жетекшісі А.Қасымғали, «Жаңа-ру» жастар колициясы заңды тұлғалар бірлестігінің менеджері Х.Бакирамаов, мектеп қызметкерлері, барлығы 30-ға жуық адам қатысты.
Шара барысында Х.Бакирамов аталмыш шараның бағытын түсіндіріп, А.Қасымғали «Жуалы адалдық алаңы» жобалық кеңсесінің жұмыстарымен таныстырса, Қ.Меклисов кез келген өркениетті қоғам үшін сыбайлас жемқорлықпен күрес ең өзекті мәселенің бірі болып табылатындығын атап өтті.
Шара соңында қатысушылар көкейлерінде жүрген бірнеше сұрақтарын қойып, мардымды жауаптар алды. Сонымен қатар кездесудің барлық қатысушыларына сыбайлас жемқорлық факторларын алдын алуға бағытталған арнайы таратпа материялдар таратылды.