Балалар еңбегіне қарсы күрестің дүниежүзілік күні

Жыл сайын 12 маусым күні әлемде Балалар еңбегіне қарсы күрестің дүниежүзілік күні аталып өтеді. Бұл күннің басты мақсаты – балалар еңбегін қанау мәселесіне қоғамның назарын аудару және әрбір баланың қауіпсіз, бақытты балалық шаққа құқығы бар екенін еске салу.

Балалар – еліміздің болашағы. Сондықтан олардың денсаулығын, білім алуын және жан-жақты дамуын қамтамасыз ету – барша қоғамның ортақ міндеті. Өкінішке қарай, әлемнің көптеген елдерінде балалар ауыр еңбекке тартылып, өздерінің балалық шағын толыққанды өткізу мүмкіндігінен айырылып жатады. Мұндай жағдай олардың денсаулығына, психологиялық дамуына және болашақ өміріне кері әсерін тигізеді.

Балалар еңбегіне қарсы күрес – тек мемлекеттік органдардың ғана емес, ата-аналардың, білім беру ұйымдарының, жұмыс берушілердің және бүкіл қоғамның жауапкершілігі. Әрбір бала мектепте білім алып, армандарына қол жеткізуге мүмкіндік алуы тиіс. Баланың орны – қауіпті еңбек алаңында емес, білім мен тәрбие ордасында.

Осы маңызды күн қоғамды балалардың құқықтарын қорғауға, олардың қауіпсіздігі мен әл-ауқатын қамтамасыз етуге үндейді. Балалардың жарқын болашағы үшін олардың құқықтарын құрметтеп, еңбек қанауының кез келген түріне жол бермеу – бәріміздің азаматтық парызымыз.