Елімізде 28 жасқа дейін несие алатындар саны күрт өсті
Ұлттық банктің қаржылық есебі осындай статистиканы бөлісті деп хабарлады turkystan.kz Ulysmedia.kz сайтына сілтеме жасап.
Ұлттық банктің бағалауынша, тұтынушылық кредиттердің қарыз мерзімі айтарлықтай өзгеріске ұшырамаған. Мәселен, тұтынушылық кредиттеу портфелінің жартысына жуығы өтеу мерзімі 5 жылдан астам қарыздардан және 23%-ға мерзімі бір жылдан үш жылға дейінгі қарыздардан тұрады.
«Берілген жаңа қарыздар бойынша, тұтынушылық кредиттер портфелінің жасару үрдісі байқалады. Мәселен, 28 жасқа толмаған қарыз алушылар үлесі 2 жыл ішінде 16 пайыздан 23 пайызға жетті. Ең маңызды өсімді 22 жасқа дейінгі жас тобы көрсетті. 2019-2021 жылдардың қорытындысы бойынша, олардың үлесі 1 пайыздан 6 пайызға өсті», – делінген есепте.