«Күн сайын бақытты бол» Зульфия Раухатқызы жастарға кеңес айтты
Дулати университетінің «Өнер және спорт» факультетінде «Дене шынықтыру және спорт» мамандығының студенттері паралимпиада чемпионы Зульфия Габидуллинамен кездесті. Іс – шараны «Өнер және спорт» факультетінде тәрбие іс жөніндегі декан орынбасары Жанар Бекбергенова ұйымдастырып өткізді.
Зульфия Раухатқызы Қазақстандық паралимпиада спортшысы, жүзуден Қазақстан Республикасының халықаралық дәрежедегі спорт шебері, Қазақстан Паралимпиада құрамасының капитаны.
2016 жылдың қыркүйек айында Зульфия Габидуллина Қазақстанға Рио-де-Женейрода өткен егемен мемлекет тарихындағы 100 метр қашықтықта еркін стильде жүзуден алғашқы паралимпиадалық медальді сыйға тартты. 2016 жылы ол Рио-2016 Үздік 3 әйел спортшыларының тізіміне енді. Токио-2021 жазғы Паралимпиада ойындарының қатысушысы. II дәрежелі «Барыс» орденімен марапатталған (2016 жылғы 13 желтоқсан), Жамбыл облысының Құрметті азаматы.
Әңгіме барысында чемпион өзінің өмірбаяны, үлкен спортта өзін қалай тапқаны, спорттық жетістіктері, болашаққа жоспарлары туралы айтты. Ол өзінің үлгісімен кездесудің барлық қатысушыларын шабыттандырды, өйткені ол 51 жасында Паралимпиада медалін жеңіп алды. Оның рекорды әлі де бұзылған жоқ. Жалпы, ол 13 рекорд орнатты. Зульфия Габидуллинаның өмірлік ұраны — «Күн сайын бақытты бол».
Университеттің аға оқытушылары Тахир Мамашаев, жеңіл атлетикадан халықаралық дәрежедегі спорт шебері, 2008 жылғы Бейжің олимпиадасының марафон қашықтығында қатысушысы, Қазақстан Республикасының параатлетикадан бас жаттықтырушысы және Қазақстан Республикасының жеңіл атлетикадан спорт шебері Наталия Сиротина диалогқа белсенді қатысты. Зульфия Габидуллина кездесуге қатысушыларға ешқашан бас тартпауды, өзіне сенуді, жаттықтырушысына сенуді, өмірді сүюді, әр күні қуануды тіледі. Кездесуден кейін ол «Тараз-Арена» бассейніне келесі жаттығуға асықты.Спортшы 2024 жылы Парижде өтетін Паралимпиадалық ойындарға дайындалады. Студент — спортшылар чемпионға кездесуге уақыт тапқаны үшін алғыс айтып, оған кезекті Алтын медаль жеңіп алуды тіледі. Кездесу эмоционалды және танымды өтті.
