534,4 шақырым жол жөндеуден өтеді

Облыс әкімі Бердібек Сапарбаев есепті жиынында жол жайына да айрықша назар аударды. Аймақ басшысының сөзіне сүйенсек, былтыр 1316,2 шақырым жол жөнделіп, 2019 жылмен салыстырғанда 2,3 есеге артқан.

— Былтырғы жылы  18 шақырым жол жаңадан салынса, 6,1 шақырым қайта жаңғыртудан өтті. 1,2 мың шақырым жол орта жөндеу көрсе, 49,5 шақырым жолға  ағымдағы жөндеу жасалды. Нәтижесінде жол сапасы 76-90 пайызға дейін жақсарды. Енді биыл 534,4 шақырым жол жөнделеді, — деді Б.Сапарбаев.