Күшаман ауылында шағын футбол алаңы ашылды
«80 жылдыққа 80 игі іс» шарасы аясында бүгін 6 шілде Елорда күніне орай Күшаман ауылында жастар мен жасөспірімдерге арналған шағын футбол алаңы ашылды. «Жұмыспен қамтудың жол картасы» бағдарламасы аясында жүргізіліп отырған шараның ашылу салтанатына аудан әкімінің орынбасары Амангелді Нәметқұлов қатысып, ашылу лентасын қиып, құтықтау ізгі тілегін жеткізді. Сонымен қатар ауыл ақасақалы Қарсыбеков Бабақұл атамыз айтулы мерекемен құттықтап, спорт денсаулық кепілі екендігін жастарға ұғындырды. Ашылу салтанатына халықты жинамай, санитарлық талаптарды қатаң ұстанып, әлеуметтік арақашықтық сақтала отырып өткізілді.